بچوں میں برین ٹیومر

برین ٹیومر کی علامات سے دوچار بچوں کی تشخیص کے لئے ماہر اطفال یا طفلی نیورولوجسٹ، یا ایمرجنسی روم کے ڈاکٹروں، سے چیک اپ کروانا بہت ضروری ہے۔ ڈاکٹر عام طور پر آپ کے بچے کے دماغ کا ایم آر آئی بھی کروائے گا۔ ایم آر آئی میں برین ٹیومر نکلنے کی صورت میں نیورولوجی کے ماہرین سے مشاورت کا سلسلہ شروع ہوگا، جس میں ایک طفلی ماہر بچے کے لئے موزوں ترین علاج کا منصوبہ تیار کرنے کے لئے اس کے گھر والوں کے ساتھ کام کرے گا۔ اس کے علاوہ طفلی آنکولوجسٹ (یعنی بچوں کے کینسر کے ماہر)، آنکھوں کے علاج کے ماہر (بعض دقعہ ٹیومر کے باعث بچوں کی بینائی متاثر ہوسکتی ہے)، مرگی کے ماہر (دورے پڑنے کی صورت میں)، ریڈیشن آنکولوجسٹ، اور دیگر ماہر ڈاکٹر اور ٹیکنلوجسٹس بھی آپ کے بچے کی ہیلتھ کیئر کی ٹیم میں شامل ہوسکتے ہيں۔